رۆژی ١ی مای ، رۆژی نێونه‌ته‌وه‌یی چینی کرێکار ، رۆژێکه‌ که‌ له‌ سه‌رتاسه‌ری دنیادا كه‌ به‌م بۆنه‌وه‌ رێپێوان و چالالکی و رێ و ره‌سمی جۆراوجۆر رێک ده‌خرێن و به‌ڕێوه ‌ده‌چن . له‌م رۆژه‌دا کرێکارانی جیهان له‌ وڵاته‌ پێشکه‌وتوو و دیموکراته‌کاندا وێڕای ڕێزگرتن له‌ هه‌وڵ و خوێن و خه‌باتی کریکاران له‌ ڕابردودا و بۆ زیندو ڕاگرتنی ئه‌م یاده‌ نێونه‌ته‌وه‌ییه‌ و ، بۆ به‌رزکردنه‌وه‌ی ویست و داخوازیه‌کانیان له‌ ڕێگای نوێنه‌ر و سه‌ندیکاکانیانه‌وه‌ بۆ به‌رده‌ست به‌ڕێوه‌به‌ران و ده‌سه‌ڵات دارانی وڵات، دێنه‌ مه‌یدان و شان به‌شانی چین و توێژه‌کانی تری کۆمه‌ڵگا هه‌موو ساڵێک ئه‌م یاده‌ زیندوده‌که‌نه‌وه‌ و ده‌ور و پله‌و پایه‌ی کرێکار له‌ به‌ره‌و پێش بردنی کۆمه‌ڵگا به‌رز ده‌نرخێنن . به ڵام له‌ وڵاتانێک که‌ زۆرداری و دتکتاتۆری و کۆنه‌په‌رستی و بێ ده‌ربه‌ستی به‌ مافی مرۆڤ به‌ گشتی و مافی چین و توێژه‌ تایبه‌ت و دیاره‌کان به‌تایبه‌تی ده‌خرێته‌ ژێر پێ ، نموونه‌ی هه‌ره‌ به‌رچاوی ئه‌و ده‌سه‌ڵاتانه‌ ده‌سه‌ڵاتی دیکتاتۆری رژیمی ئاخوندی ئێران،ه كه كرێكاران و جوتیاران‌ نه‌ک هه‌ر گوێ بۆ داخوازیه‌کانیان ناگیرێ ، به‌ڵکو به‌ هیچ شێوه‌ێک رێگایان پێ نادرێ که‌ چالاکی بنوێنن و کۆڕ وکۆمه‌ڵ و ئه‌نجومه‌ن و ته‌نانه‌ت سه‌ندیکاش پێکه‌وه‌نێن .

له‌ ئێرانی وێرانی ده‌ستی رژیمی سه‌ره‌رۆی ئاخوندی دا هه‌ موو چین و توێژه‌کانی کۆمه‌ڵ له‌ مه‌نگه‌نه‌دراون و هه‌ر جۆره‌ هه‌ڵس و که‌وت و جم و جوڵێکی کرێکاری و کۆمه‌ڵایه‌تی و به‌ڕێوه‌چونی هه‌ر جۆره‌ رێ و ڕه‌سمێک بۆ رێزگرتن له‌ بایی و ماف و دا‌هێنانی مرۆڤ ، به‌ توندترین شێوه‌ به‌رپه‌رچ ده‌درێته‌وه‌ و به‌ری لێده‌گیرێ و به‌رێوه‌به‌رانی ئه‌و جۆره‌ چالاکیانه‌ ، به‌ توندترین شێوه‌ دژایه‌تیان ده‌کرێ و سه‌رکوت ده‌کرێن . به‌ڵام به‌و حاڵه‌ش ئه‌وه‌ی که‌ جێگای خۆشحاڵیه‌و ده‌کرێ مرۆڤ پێی هیواداربێت ئه‌وه‌یه‌ که‌ سه‌ره‌ڕای ئه‌و هه‌موو زه‌بر و زه‌نگ و توند و تیژیانه‌ی کاربه‌ده‌ستان و به‌ کرێگیراوانی رژیم، چین و توێژه‌ ماف خوراو وه‌زاڵه‌هاتوه‌کان رۆژ له‌ داوی رۆژ به‌ شێوه‌ێکی به‌ربڵاوتر و ئاگاتر و نه‌ترسانه‌تر به‌ره‌و ئامانج و ئاواته‌کانیان هه‌نگاو هه‌ڵده‌گرن وبه‌ بێ سڵ کردن له‌و زه‌برو زه‌نگ و حه‌قکوژی و زیندان و شکه‌نجه ‌و ئیعدام ، روه‌ و ره‌وتی به‌ره‌وپێشچون و گه‌ێشتن به‌ ریزی کاروانی رزگاری و مافی مرۆڤ که‌وتوونه‌ڕێ و ده‌نگی ناره‌زایه‌تی و مه‌زڵومی خۆیان و، جینایه‌ت و کرده‌وه‌ی کاربه‌ده‌ستانی خوێنڕێژ و دیکتاتۆر ده‌گه‌ێننه‌ گوێ کۆمه‌ڵگای نێونه‌ته‌وه‌یی وداوای هاوکاری و هاوپه‌یمانی وهاوخه‌باتی له‌ پێناو ئازادی مرۆڤ دا ، له‌ دنیای ئازاد و پێشکه‌وتووده‌که‌ن. هه‌ر به‌م بۆنه‌وه‌ و بۆ رێزگرتن له‌و رۆژه‌ مێژوویه‌ وپشتیوانی له‌ ماف و داخوازیه‌کانی کرێکارانی جیهان به‌ گشتی و کرێکاران و ره‌نجده‌رانی نه‌ته‌وه‌که‌مان نه‌ته‌وه‌ی کورد به‌ تایبه‌تی، کومیته‌ی هاوکاری کۆمه‌ڵه‌ کوردیه‌کان به‌ پشتیوانی هێزه‌ سیاسیه‌کان ، له‌ شاری لین شۆپینگ له‌ وڵاتی سوئید ئێواره‌ی رۆژی شه‌ممه‌ رێکه‌وتی 3 ی مانگی مه‌ی 2008 ، رێ و ڕه‌سم و شه‌وئاهه‌نگێکی بۆ کوردانی دانیشوی ئه‌م شاره‌ سازکرد. ڕێوڕه‌سمه‌که‌ له‌ سه‌عات 6 ی دوانیوه‌ڕۆ به‌ کاتی ئوروپا له‌ کۆکاڵی فولک ئۆنگا سکولان، ده‌ستی پێکرد و تاسه‌عات 12 شه‌و ده‌ێژه‌ی کێشا . سه‌ره‌تا له‌لایه‌ن کاک جه‌لال خوشکه‌لام و خوشکه‌ هێرۆ حسێنی یه‌و، وه‌ک به‌ڕێوه‌به‌ری به‌رنامه‌کان ، سه‌رتا بۆ رێزگرتن له‌گیانی پاکی شه‌هیدانی کورد و کوردستان ده‌قیقه‌ێک بیده‌نگی راگه‌ێندارو پاشان به‌گه‌رمی به‌خێرهاتنی به‌شداربوان کراو . ئه‌وجار کاک جه‌لال و خوشکه‌ هێرۆ هه‌رکام چه‌ند شێعریان به‌م بۆنه‌وه‌ پێشکه‌ش کرد . پاشان دواین به‌شی به‌رنامه‌‌کان که‌ بریتی بوو له‌ گورانی هه‌ڵپه‌ڕکێ ، به‌ده‌نگی به‌سۆزی هونه‌رمه‌ندی لاو کاک رێبین عه‌لی و گرۆپی مۆسیقای هاوکاری رازایه‌وه‌ کومیته‌ی هاوکاری کۆمه‌ڵه‌کوردیه‌کان له‌ شاری لین شۆپینگ پێک هاتوه‌ له‌م کۆمه‌ڵانه‌:
١- کۆمه‌ڵه‌ی کلتوری کوردی
٢- کۆمه‌ڵه‌ی که‌م ئه‌ندامان و به‌ساڵاچوان
٣- کۆمه‌ڵه‌ی کوردی خه‌بات.
٤- یه‌کیه‌تی کوردان له‌ شاری لین شۆپینگ
٥- کۆمه‌ڵه‌ی دیموکراتیکی کوردی .
هێزه‌ سیاسیه‌کانی ئه‌ندام له‌م کومیته‌یه‌دا بریتین له‌:
١- پارتی دیموکراتی کوردستان.
٢- یه‌کیه‌تی نیشتامانی کوردستان
٣- حیزبی دیموکراتی کورستان
٤- سازمانی خه‌باتی کوردستانی ئێران
٥- کۆمه‌ڵه‌ی شۆڕشگێری زه‌حمه‌تکێشانی کوردستان
٦- حیزبی شیوعی کوردستان.
کومیته‌ی هاوکاری کومه‌ڵه‌کوردیه‌کان له‌ شاری لینشۆپینگ . ٠٣-٠٥- ٢٠٠٨

ڕۆژى شەممە 7ى بانەمەڕى 1387 کۆچى خۆرى لەسەر داواى کومیتەى نوروێژى حیزبى دیموکراتى کوردستانى ئێران هەردوو کومیتەى سازمانى خەبات و حیزبى دیموکراتى کوردستانى ئێران لە وڵاتى نوروێژ کۆبوونەوەو لەسەر مه سه له سياسيه كان و پێوەندیەکان و هاوکارى نێوانیان ووت وێژیان کرد.

بەڕێزان کاک عبداللە قادرى بەرپرسى کومیتەى نوروێژى سازمان و کاک محمود یوسفى، بەرپرسى پێوەندیەکانى سازمانى خەبات، بەشدار بوون. هەروەها لەکومیتەى نوروێژى حیزبى دیموکراتى کوردستان بەڕێزان ساڵح وەلیزادە و گەلاوێژ محمدى بەشدار بوون. 

رۆژى یەکشەممە 8ى بانەمەڕ لەشارى وانکوڤەرى کانادا، کونگرەى کومیتەى کوردان لەو وەڵاتە بەرێوەچوو.
لەهەوڵەکان بۆ پێک هێنانى ئەو کومیتەیە لەشارى وانکوڤەر، کومیتەى کاناداى سازمانى خەباتى کوردستانى ئێران چالاکانە بەشدارى کرد و خوشکە تابان بەرپرسی کومیتەى کاناداى سازمان،

وەک یەکێک لە 9 ئەندامى ئەنجوومەنى کامیونێتى کوردى لەشارى وانکوڤەر، هەڵبژێردرا.
 

سه‌ره‌تا له‌ لایه‌ن دیوانی به‌رێوه‌به‌ری‌یه‌وه‌ به‌رێز کاک ناسیح و کاک ڕێبوار حوسێنی به‌خێر هاتنی میوانه‌کان و به‌شداربووان کرا و ریزی به‌رنامه‌ی ئه‌م یاده‌یان خوێندنه‌وه‌، ئه‌وجار خوله‌کێک بێ ده‌نگی بۆ شه‌هیدان و قوربانیانی کاره‌ساتی ئه‌نفال ڕاگه‌یاندراو به‌شداربووان وه‌ک ڕێز لێنان خوله‌کێک به‌ پێوه‌ وه‌ستان، دوای ئه‌م به‌شه‌ له‌ لایه‌ن دیوانه‌وه‌ داوا له روناکبیر‌ به‌رێز "عه‌لی ئسماعیل فه‌ره‌ج" کرا که‌ بێت باسه‌که‌ی که‌ تایبه‌ت بوو به‌ ئه‌نفال و کاره‌ساته‌کانی ئه‌نفال و ژینوسایدی کورد له‌ باشووری کوردستان به‌ ده‌ستی رژیمی سه‌رڕۆی به‌عس پێشکه‌ش بکات.
به‌رێز "شێخ عه‌لی" سه‌ره‌تا به‌خێر هاتنی گشت لایه‌کی کرد و خوشحاڵی خۆی له‌ پێکهێنانی ئه‌م یاده‌ له‌لایه‌ن کۆمیته‌ی هاوکاری‌ کۆمه‌ڵه‌ کوردیه‌کان به‌ پشتیوانی هێزه‌ سیاسی‌یه‌کان ده‌ربڕی و به‌شتێکی باشی وه‌سف کرد. ئه‌و جار به‌رێزییان، ئه‌نفال و شێوه‌کانی ئه‌نفالی له‌ 8 قۆناخی جیاجیادا به‌ شێوه‌یه‌کی زانستی و ئاکادیمیانه‌ و به‌ ڕێکه‌وت و به‌ڵگه‌وه‌ بۆ به‌شداربووان باس کرد و له‌ سه‌ر وشه‌ی ئه‌نفال و کاریگه‌ری ئه‌م وشه‌یه‌ له‌ قورئان دا و به‌ پشت به‌ستن به‌ سوڕه‌ی 8ی قورئانی پیرۆز و که‌ڵک وه‌رگرتنی به‌ شێوه‌ی ئیسلامی به‌ دژی کوردان بۆ گشت لایه‌ک شی کرده‌وه‌. هه‌روه‌ها ناوبراو له‌ سه‌ر ژینوسایدی کورد به‌ ده‌ستی رژیمی به‌عس و شی کردنه‌وه‌ی مانای ئه‌م وشه‌یه‌ی بۆ به‌شداربووان باسکرد و ئاماژه‌ی به‌وه‌ کرد ده‌بێ هه‌وڵ بدرێ که‌ ئه‌نفاڵی گه‌لی کورد به‌ ده‌ستی ڕژیمی به‌عسی گۆڕبه‌گۆڕ له‌ نێو ڕێکخراوی نه‌ته‌وه‌یه‌کگرتووه‌کان و دونیای ده‌ره‌وه‌ به‌ ژینوساید نێودێری بکرێ و هه‌موو لایه‌ک بۆ نه‌هێشتنی ژینوسایدو قه‌ڵاچۆی گه‌لانی ژێرده‌ست و به‌تایبه‌ت گه‌لی کورد به‌ ده‌ستی دیکتاتۆران و حاکمانی زاڵ به‌سه‌ر کوردستاندا هه‌وڵ بده‌ین و چیدی ئه‌م زوڵمه‌ گه‌وره‌یه‌ له‌ نه‌ته‌وه‌ی کورد و نه‌ته‌وه‌کانی دیکه‌ نه‌کرێته‌وه‌ و زه‌مانه‌تێک بۆ قه‌ره‌بووکردنه‌وه‌ی هه‌موو ئه‌و که‌سانه‌ی که‌وتوونه‌ به‌ر شاڵاو و هێرشی ناڕه‌وای حکومه‌تی گۆرکراوی به‌عس هه‌بێ و ئه‌و قه‌ره‌بوو کردنه‌وه‌ش ده‌بێ قه‌ره‌بوویه‌ک بێت جیا له‌وه‌ که‌ شوێنی ژیان و حاوانه‌وه‌یان بۆ دابین بکرێ له‌ هه‌مان کاتیش دا ده‌بێ ڕێز و ئێحترامی هه‌موو ئه‌و قوربانیانه‌ بگیردرێ که‌ بۆ خۆیان و که‌س و کاریان که‌وتوونه‌ به‌ر لافاو و شاڵاوی دڕندانه‌ی حکوومه‌تی دیکتاتۆری سه‌ددام حوسێنی گۆرکراو.
به‌رێزیان له‌ درێژه‌ی باسه‌که‌ی دا ئاماژه‌ی به‌ چه‌وساندنه‌وه‌ی گه‌لی کورد به‌ ده‌ستی کاربه‌ده‌ستانی عێراق هه‌ر له‌ سه‌رتای ساڵی 1921ی زائینی‌یه‌وه‌ واته‌ له‌و کاته‌وه‌ عێراق به‌ ڕه‌سمی ناسێندراوه‌ کرد و گووتی هه‌ر له‌و کاته‌وه‌ تا ئێستاشی له‌گه‌ڵ بێ چه‌وساندنه‌وه‌ی گه‌لی کورد به‌ شێوازی جۆراوجۆر به‌رده‌وام بووه‌ و ئه‌وه‌ش وایکردووه‌ که‌ ئێمه‌ هه‌میشه‌ له‌ ناوه‌ندی ده‌سه‌ڵاتدا دوور بین و بۆ پاراستنی که‌یان و که‌رامه‌ت و خاک ونه‌ته‌وه‌مان خه‌باتێکی خوێناوی به‌ دژی داگیرکه‌رانی باشووری کوردستان و باکوور و ڕۆژهه‌ڵات بکه‌ین.
کاک عه‌لی ئیسماعیل باسێکی له‌ سه‌ر کاول کردن و خاپوور کردنی شار و شاره‌چکه‌ و ناحیه‌ و قه‌زا و گوند و ئاوایی‌یه‌کانی کوردستان و ته‌قاندنه‌وه‌ی قوتابخانه‌ و نه‌خوشخانه‌ و مزگه‌وت و کلیسا و کانی و سه‌رچاوه‌ و ئه‌شکه‌وت و شوێنه‌واره‌ گشتی و کۆنه‌کانی کوردستان و له‌وانیش گرینگتر بێ‌ سه‌روشوێن کردنی 8000 بارزانی و قه‌ڵاچۆکردن و شه‌هید کردنی 182000 که‌سی بۆ به‌شداربووان باس کرد. کاک عه‌لی ئیسماعیل له‌سه‌ر ئه‌م به‌شه‌ نموونه‌ی زۆر زیندوو به‌رچاوی له‌سه‌ر ئه‌م ژینوسایده‌ گه‌وره‌یه‌ هینایه‌وه‌ و بۆ دووباره‌ نه‌بوونه‌وه‌ی ئه‌و کاره‌ساته‌ جه‌رگ‌بڕانه‌ داوای له‌ هه‌موو گه‌لی کورد به‌ گشتی و به‌تایبه‌تی ڕێکخراوه‌ سیاسی‌یه‌کانی ده‌سه‌ڵاتداری کوردستانی کرد که‌ هه‌وڵ بده‌ن ریزه‌کانی کورد یه‌کگرتووتر له‌ جاران بکه‌ن، و هێز و ڕێکخراوه‌کانی خۆیان مه‌ده‌نی‌تر بکه‌ن و چیدی نه‌هێڵن که‌ یاری به‌ که‌سایه‌تی و ژیان و ئاسایشی گه‌لی کورد له‌ باشووری کوردستان بکرێ. چۆن حاکمانی زاڵ به‌ سه‌ر کوردستان دا له‌ هه‌موو کات و ساتێک زیاتر له‌ جاران پیلان بۆ لێکترازان و لێک تۆران و نه‌فاقی کوردان داده‌رێژێت. ده‌وڵه‌تانی حاکم به‌ سه‌ر کوردستاندا له‌ زۆر بواردا پێکه‌وه‌ ناگونجێن، به‌ڵام له‌ یه‌ک بواردا یه‌کگرتوون که‌ ئه‌ویش کۆسپ نانه‌وه‌ له‌ سه‌ر ڕێگای سه‌رکه‌وتنی نه‌ته‌وه‌ی کورده و هه‌ر بۆیه‌ش ئێمه‌ ده‌بێ هه‌وڵی لێک نێزیک بوونه‌وه‌ی زیاتر بده‌ین. به‌رێزیان به‌ وردی باسی هه‌ڵس‌وکه‌وته‌ ناره‌واکان و هێرشه‌ ئاسمانی و زه‌ویه‌کانی تورکه‌کان و ئێران بۆ سه‌ر هه‌رێمی کوردستانی کرد و ئه‌وه‌ی به‌ پیلانگێری ناوبرد.
دوای پشوویه‌کی 20 خوله‌کی جارێکی دیکه‌ کۆڕیادی ئه‌نفال ده‌ستی پێکرده‌وه‌ و ئه‌وجار له‌ لایه‌ن به‌رێوه‌به‌ران کاک ڕێبوار حوسێنی و خاتوو شلێر حه‌سه‌ن‌پوور باسه‌کان کۆکرانه‌وه‌ و جارێکی‌تر به‌رێز کاک عه‌لی ئیسماعیل باسه‌کانی خۆی درێژه‌ دا. ئه‌وجار له‌ سه‌ر ڕه‌هه‌ندی جاش و جاشایه‌تی له‌ کوردستان به‌ وردی قسه‌ی کرد و هۆکار و ڕه‌هه‌نده‌کانی جاشایه‌تی بۆ به‌شدار بووان باسکرد و گووتی: بوونی په‌روه‌رده‌ی سه‌قه‌ت و نه‌بوونی ئابووری باش و هه‌بوونی بێکاری زۆر و هه‌ژاری و ده‌ستکورتی و کۆمه‌ڵێک هۆکاری دیکه‌ ببوونه‌ هۆی پێکهاتنی جاشایه‌تی و ئه‌وه‌ش زه‌ربه‌ی زۆر قورسی له‌ په‌یکه‌ری له‌ خوێندا شه‌ڵاڵی نه‌ته‌وه‌ی کورد دا و برینه‌کانی قوڵتر و زامه‌کانی له‌ جاران زیاتر زامدارتر کرد. بۆیه‌ به‌رێزیان بۆ دووپات نه‌بوونه‌وه‌ی جاشایه‌تی گووتی: پێویسته‌ که‌ ده‌ست بکه‌ین به‌ په‌روه‌رده‌ی درووست و نه‌هێشتنی بێکاری و گه‌نده‌ڵی و هه‌ژاری و دارشتنی بنه‌مایه‌کی ئابووری باش بۆ نه‌وه‌ی دواڕۆژی گه‌له‌که‌مان و به‌م شێوه‌یه‌ ئه‌م ڕه‌سته‌یه‌ و ئه‌و حه‌ره‌که‌ته‌ خائینانه‌یه‌ له‌ کۆمه‌ڵگای کوردستان دا بسرینه‌وه‌ و خه‌ڵک فێری پێگه‌یاندن و بووژاندنه‌وه‌ی کوردستان بکه‌ین و ئاوادان کردنه‌وه‌ی کوردستان بکه‌ینه‌ بنه‌مای کاری خۆمان و هه‌وڵ بده‌ین چیدی نه‌هێڵێن بێکاری و هه‌ژاری و نه‌هامه‌تی ڕوو له‌ کۆمه‌ڵگای کوردستان بکاته‌وه‌.
دوای قسه‌کانی به‌رێز عه‌لی ئیسماعیل له‌ لایه‌ن دیوانی به‌رێوه‌به‌ری‌یه‌وه‌ داوا له‌ به‌شداربووان کرا که‌ له‌ ژێر تیشک و ڕووناکایی کۆڕگێر دا و بۆ ده‌وڵه‌مه‌ند کردنی باسه‌کان‌ به‌ پرسیار و تێ‌بینی و پێشنیار به‌شداری له‌ باسه‌که‌دا بکه‌ن و بیروڕای خۆیان ده‌رببرن، له‌م بڕگه‌یه‌ش دا به‌شداربووان چه‌ندین پرسیار و تێ‌بینی و پێشنیاریان خسته‌ به‌رده‌م به‌رێز عه‌لی ئیسماعیل.
دواین بڕگه‌‌ی کۆڕیادی ئه‌نفال وه‌ڵامدانه‌وه‌ به‌ پرسیاره‌کان بوو که‌ به‌رێز عه‌لی ئیسماعیل وێرای خۆشحاڵی ده‌ربرین و ده‌ستخۆشی له‌ به‌شداربووان وه‌ڵامی هه‌موو پرسیاره‌کانی دایه‌وه‌ و له‌م به‌شه‌ش دا کۆمه‌ڵێک زانیاری زۆر به‌نرخی له‌ سه‌ر ئه‌نفال و شیمیابارانی هه‌ڵه‌بجه‌ و ده‌ڤه‌ره‌کانی دیکه‌ی کوردستان خسته‌ به‌رده‌می به‌شدار بووان.
له‌سه‌ریه‌ک کۆڕه‌که‌ 2:30 خوله‌کی درێژه‌ کێشا، له‌ لایه‌ن کۆمیته‌ی ئاماده‌کاری‌یه‌وه‌ زۆر سوپاسی کاک عه‌لی ئیسماعیل فه‌ره‌ج و هه‌موو ئه‌و که‌سانه‌ کرا که‌ له‌م کۆڕیاده‌ دا به‌شدار بوون و خه‌می خۆیان خسته‌ پاڵ خه‌می هه‌موو ئه‌و که‌سانه‌ی که‌ له‌ شاڵاوه‌ به‌دناوه‌کانی حکوومه‌تی به‌عس بۆ سه‌ر دانیشتوانی کوردستان ئه‌نفال کرا بوون و تا ئێستاش به‌شێکیان هه‌ر بێ‌سه‌ر و شوێن و بزر بوون، هه‌روه‌ها کۆمیته‌ی ئاماده‌کاری کۆڕیادی ئه‌نفال هیوای وه‌دیهاتنه‌وه‌ی بێ‌سه‌ر و شوێنه‌کانیان به‌ ئاوات خواست و نه‌فره‌تیان له‌ شه‌ڕ و ماڵوێرانی و قه‌ڵاچۆ کردن و دیکتاتۆران و حاکمانی زاڵ به‌ سه‌ر کوردستان دا کرد.
کۆمیته‌ی هاوکاری کۆمه‌ڵه‌ کوردی‌یه‌کانی شاری لینشۆپینگ.

پێویسته‌ ئاماژه‌ به‌وه‌ بکرێ که‌ کۆمیته‌ی هاوکاری کۆمه‌ڵه‌ کوردیه‌کان پێک هاتووه‌ له‌‌:
کۆمه‌ڵه‌ی کلتوری کوردی
کۆمه‌ڵه‌ی که‌م‌ئه‌ندامان و به‌ ساڵاچوان
کۆمه‌ڵه‌ی دێموکراتیکی کوردی
یه‌کیه‌تی کوردان له‌ شاری لینشۆپینگ
کۆمه‌ڵه‌ی کوردی خه‌بات
هه‌روه‌ها کۆمیته‌ی هاوکاری حیزبه‌ سیاسی‌یه کوردستانی‌یه‌کان له‌ شاری لینشۆپینگ پێک هاتووه‌ له‌‌:
پارتی دێموکراتی کوردستان
حیزبی دێموکراتی کوردستان
یه‌کیه‌تی نیشتیمانی کوردستان
کۆمه‌له‌ی زه‌حمه‌تکێشانی کوردستان
حیزبی شیوعی کوردستان
سازمانی خه‌باتی کوردستانی ئێران
 

هه یئه تێکی  سازمانی   خه بات  که  به   شێوه ی   فه رمی  له  لایه ن  پارتی   سه ربه ستی  کوردستان  بانگهێشتی  رێوره سمی دوهه مین  ساڵرۆژی  ئه و  پارته  کرا  بوون،  رۆژی  شه ممه  27 ی  رێبه ندانی 2707  کوردی  به رامبه ر  به  16.02.2008 ، کاتژمێر 17:00  به شداریان  له و  ئاهه نگه یا   کرد که   له شاری   ئۆ سلۆ   به رێوه  چوو.

شاندی  سازمانی  خه بات ی  کوردستانی ئێران   پێک  هاتبوو  له  هاورێیان  کاک فایق  نادری  و  کاک   محمو  یوسفی ،که  به  گه رمی  له  لایه ن  سکرتێری  پارتی سه ربه ستی و  به رپرسانی  ئاهه نگه که پێشوازی  و   به خێر  هاتن  کران. هاورێ   محمود  یوسفی  په یامی  سازمانی  خه بات ی  خوێندوه ، که  له م  په یامه دا  ئاماژه  به  هاوکاری  سازمانی  خه بات  له  گه ل  هه ر  لایه ن   و  نیهادێکی  تازه  پێك  هاتوو   کرا  بوو،  که  له  خه زمه ت  ئامانجه  ره واکانی  گه له  که مان   دا  بێت، و  ئه م   ڕه وته ش   وه ک  بنچینه ێکی  سه ر ه کی   روانگه  سیاسیه کانمان  هه ر  له  سه رتا ی  پێکهاتنی   سازمانی  خه بات  له  کاره کانمان دا  کرده وه  مان  پێکردوه.  و  هه روها  هاورێ  محمود  ئاره زووی  سه ر  که وتنی ئه ندامانی   پارتی  سه ربه ستی   له  خه زمه تی  زیاتر  به  دۆزی   ره وای   گه له که مان  و  کوردستان  بۆ   به  ئاوات   خواستن.